Buyuruqingiz bajarilmoqda, iltimos kuting . . .

Muqaddas Holiqova haqida

Muqaddas Holiqova

14-Aprel 1960, Toshkentda tavallud topgan

191 marta ko`rildi


Rasmiy sahifalari:
Muqaddas Holiqova 1960-yil 14-apreldaToshkent shahrida tug'ilgan. 1977-yili Toshkent Davlat san'at instituti «Teatr va kino»aktyorligi fakultetiga o'qishga kirib, 1981-yili o'qishni muvaffaqiyatli tugatgan. Shu yili O'zbek Milliy Akademik drama teatriga,aktirisa sifatida,ishga qabul qilindi. Muqaddas Holiqova san'atdagi ijodining dastlabki yillaridan to shu kunga qadar,takrorlanmas obrazlar yaratib,teatrning yetuk aktrisalaridan biriga aylandi.
U Hamzaning «Boy ila xizmatchi»sida Poshshaoyim,F.Musajonovning «Najot istab»ida qaynona,«Avg'on reportaji»da jurnalist,«Tuhmat»da qizil tanli,Karlo Gatssininig «Baxtli gadolar»ida qiz,Shekspirning «Koriolan»ida ayol,O'. Hoshimovning «Qatog'on»ida ayol,Y.Muqimov, X.Rasulovovlarning «Spitamen» da ona, M.Avezovning «Eng suluv kelinchak»ida Zuhra, «Tergov davom etadi»da Farog'at,«O'tgan kunlar»da To'ybeka, kabi yana bir qancha ko'p rollarni mahorat bilan ijro etgani mantiqan chuqur, ijro mahoratining mukammalligi bilan e'tiborga loyiqdir.
Erkin Xushvaqtov Muqaddas Holiqovaning ijodiy imkoniyatlaridan,fe'l-atvoridan kelib chiqqan holda,bundan 10 yil avval qo'yilgan«Qalliq o'yini» spektaklini hamda «Ko'ngil» pe'yessasini aynan Muqaddas Holiqovaga atab yozdi va bu asarlar teatr sahnasida muvaffaqiyat qozondi.
Muqaddas Holiqova bir qator videofilmlarda yorqin obrazlar yaratdi.«Alisher Navoiyda»kanizak, Cho'lponning «Kecha va kunduz»,«Bobur» Jahongir Mirzoning onasi,M.Yunusovning«Layli va Majnun»ida enaga,M.Boboyevning«Ko'ngil ko'chalari»da o'quvchining onasi,M.Asadullayevning «Qirq tog'oraning qirq nog'orasi»da Tursinoy,«Shunchaki hazil»da ayol kabi rollarni mahorat bilan ijro etgan.
E.Xushvaqtovning «Chimildiq»da xola,«Oshiqlar»,«Nahotki sen», «Boyvachcha», «Amakivachchalar»,«To'ydagi taziya» ,«Taqdir charxpalagi», «Vildon», «Sevginator yohud qaynona operatsiyasi», «Merskivich», «O'jar kelin»kabi filmlarda turli xarakterdagi rollarni ijro etdi. 30-yillik ijodi davomida 100ga yaqin katta-kichik rollar o'ynab mashhur san'atkor sifatida elga tanildi.Uning qo'shiqlar uchun yaratilgan kilplardagi rollari,«Otalar so'zi-aqlning ko'zi»,«Dengizdan tomchi»ko'rsatuvlarida yaratgan obrazlari muxlislar tahsiniga sazovor.
U san'atda erishgan yutuqlarida ustozlarini o'rni beqiyosligini ta'kidlaydi.Ilk ustozi rahmatli O'zbekiston xalq artisti Ikroma Boltayevadan sahna sirlarini o'rgandi.
Yana ustozlari Rixsi Ibrohimova, To'ti Yusupova, Yayra Abdullayevalar kabi ulug' yoshda ham sahnada ijod qilishni niyat qiladi.
Muqaddas Holiqova bir qator mashhur rejissiyorlatlr teatrda O'zbekiston xalq artisti T.Azizov,M.Azimov, Valijon Rahimovlar bilan birga ishlash baxtiga muyassar bo'ldi.Kinoda M.Abzalov,A.Shahobiddinov,Y.To'ychiyev,A.Bekturdiyev,Y.Ortiqov,A.G'aniyev,R.Malikovlar yaratgan filmlarda ishtirok etdi.
2001-yili «O'zbekistonda xizmat ko'rsatgan artist» unvoniga sazovor bo'lgan.

Manba: http://fikr.uz/blog/9752.html

Muqaddas Holiqova kinolari (filmografia)
2016Voy-dod 2 ... ro`lda
2015Voy-dod ... "Layloning onasi" ro`lida
2015Qaysarginam ... ro`lda
2014Erkatoy ... ro`lda
2013Poyga ... ro`lda
2013Hasan ibn husan ... ro`lda
2013Dunyo ... ro`lda
2012O'jar kelin ... ro`lda
2012Merskvich ... ro`lda
2012Sevaman dedimmi sevaman ... ro`lda
2010Sevginator 2 ... ro`lda
2008Oshiqlar ... "Yodgorning onasi" ro`lida
2008Boyvachcha 2 - Amakivachchalar ... ro`lda
2008Ulfatlar 2 ... "Hakima" ro`lida
2007Boyvachcha ... ro`lda
2005Ulfatlar ... ro`lda
2004Afandi va Azroil ... ro`lda